2025 жылғы 19 сәуірде Астана қаласында Назарбаев Университетінің Жоғары бизнес мектебінің (NU GSB) Халықаралық консультативтік кеңесінің (IAB) отырысы өтті. Кездесу NU GSB-нің даму бағыттары мен ықтимал құрылымдық өзгерістеріне арналды. Отырысқа IAB мүшесі, ЖШС ТехноГруппСервис Бақылау кеңесінің төрағасы Жомарт Момынбаев қатысты.

Кездесу барысында Мектеп құрылымын оңтайландыру бойынша ұсыныстар қарастырылып, оның академиялық тиімділігін, халықаралық бәсекеге қабілеттілігін және сыртқы ортадағы өзгерістерге төзімділігін арттыру жолдары талқыланды. Талқылау нәтижесінде қатысушылар NU GSB атауы мен ағымдағы ұйымдық құрылымын сақтау орынды деген бірыңғай пікірге келіп, Университет басшылығы мен Қамқоршылық кеңесіне ресми өтініш жолдау туралы шешім қабылдады.

Бұл шешім түлектер қауымдастығының (Alumni) GSB NU-дің Орталық Азиядағы бизнес-білім саласындағы жетекші білім және зерттеу орталығы ретіндегі беделін нығайту мен дамытуға деген адалдығын көрсетеді. ChatGPT-ден Орталық Азиядағы үздік бизнес мектеп қайсысы деп сұрасаңыз, бірінші болып NU GSB-ті атайды. Сонымен қатар, NU GSB 2005 жылдан кейін ашылған әлемдік Топ-5 бизнес мектептер қатарына енген.

ЖШС ТехноГруппСервис-тің еншілес компаниясы болып табылатын BK Energy Limited жекеменшік компаниясы 20 МВт күн электр станциясын салуға арналған жасыл облигациялар шығару үшін AIX биржасынан қолдау алды.

Бүгінгі таңда жоба белсенді іске асыру кезеңінде: жобалық-сметалық құжаттама дайындалып, мемлекеттік сараптамадан оң қорытынды алынған, барлық қажетті рұқсаттар рәсімделген, жыл сайын индекстелетін тарифпен 20 жылдық оффтейк-келісімшартқа қол қойылған.

Қаржы нарығы құралдарын, оның ішінде Астана халықаралық қаржы орталығы (АХҚО) және «ДАМУ» кәсіпкерлікті дамыту қоры» АҚ-пен (қазіргі таңда келіссөз сатысында) серіктестікті пайдалану жобаны тұрақты қаржыландырудың үздік халықаралық тәжірибелерімен іске асыруға мүмкіндік береді.

Бұл бастама 2024–2033 жылдарға арналған «Бәйтерек» ҰБХ» АҚ-ның даму стратегиясына толық сәйкес келеді және Қазақстанда экологиялық таза инвестицияларды ынталандыру мен жоғары технологиялық өндірістерді дамытуға бағытталған.

2025 жылғы 2–4 сәуір аралығында Алматы қаласында декарбонизация, жаңартылатын энергия көздерін дамыту және Орталық Азиядағы энергия тиімділігін арттыру мәселелері бойынша диалог алаңы болып табылатын PowerTech 2025 халықаралық көрмесі мен конференциясы өтуде.

3 сәуір күні іскерлік бағдарлама аясында «Орталық Азиядағы жаңартылатын энергия көздері нарығына шолу» атты сессия өтті. Модератор ретінде «ECOJER» қауымдастығының Бас директорының кеңесшісі Рамазан Жанпиисов сөз сөйледі.

ЖШС ТехноГруппСервис Бақылау кеңесінің төрағасы Жомарт Моминбаев спикер ретінде шақырылып, «Қазақстан Республикасында ЖЭК және отандық өндірісті дамыту» тақырыбында баяндама жасады. Ол өз сөзінде саланың қазіргі басымдықтарын атап өтіп, жаңартылатын энергия көздері үшін жабдықтарды өндіруде ұлттық әлеуетті кеңейту, саланың экспорттық мүмкіндіктерін арттыру және «Бәйтерек» ҰБХ» АҚ-ның қолдау шараларын отандық генерациялық жабдықтарды пайдаланатын ЖЭК жобаларына шоғырландырудың маңыздылығын атап өтті.

Сессияда спикер ретінде сондай-ақ келесі мамандар қатысты: Cranmore Partners компаниясының Орталық Азия бойынша директоры Игорь Новиков, S&P Global «Еуразия энергетикасы» тобының аға зерттеуші-талдаушысы Ерлан Ахметтаев, Ernst & Young жобалар жетекшісі Руслан Садгалин, CAREC Institute аға энергетика сарапшысы Владимир Завадский және KunTech компаниясының негізін қалаушы Диас Байсейітов.

PowerTech 2025 іс-шарасына қатысу ЖШС ТехноГруппСервис компаниясына ЖЭК саласындағы орнықты даму мен жергілікті өндіріс жөніндегі көзқарасын ұсынуға, сондай-ақ Орталық Азия елдері арасындағы ынтымақтастықтың климаттық мақсаттарға қол жеткізудегі маңыздылығын көрсетуге мүмкіндік берді. Сонымен қатар, Жомарт Моминбаев отандық генерациялық жабдықты пайдаланатын ЖЭК көздерінен алынған ерікті сертификаттарды белгілеу үшін I-REC.KZ аббревиатурасын қолдануды ұсынды.

2025 жылғы 31 қаңтар мен 1 ақпан аралығында Алматыда VII Халықаралық цифрлық форум Digital Almaty 2025 өтті. Форумға 40 000-нан астам адам, оның ішінде 200-ден астам спикер мен түрлі елдердің беделді сарапшылары қатысты. Биылғы форумның басты тақырыбы – «Өнеркәсіптік AI: жаңа дәуір технологиялары», онда жасанды интеллектті өнеркәсіп, қаржы, денсаулық сақтау және білім беру салаларына енгізу мәселелері қарастырылды.

Digital Almaty дәстүрлі түрде Орталық Азиядағы цифрлық шешімдер мен мемлекеттік IT-стратегияларды талқылауға арналған ең ірі алаң болып табылады. Биылғы форумға 40 000-нан астам қатысушы, соның ішінде халықаралық технологиялық компаниялар, венчурлық қорлар, мемлекеттік органдар мен сарапшылар қауымдастығының өкілдері жиналды.

Форум аясында TechnoGroupService LLP InTech-Forecast – жаңартылатын энергия көздерінде электр энергиясын өндіруді болжауға арналған AI платформасын ұсынды. Жоба метеорологиялық деректер, күн және жел белсенділігін талдауға негізделген, нәтижесінде энергетикалық қуатты оңтайлы басқаруға және үш күннен астам мерзімге энергия өндіру болжамдарын жасауға мүмкіндік береді.

Екі күн бойы InTech-Forecast стенді форум қатысушыларының ерекше қызығушылығын тудырды. Компания өкілдері технологияның Қазақстан және жаһандық энергетика саласы үшін маңыздылығын түсіндіру мақсатында жетекші БАҚ-пен алты сұхбат өткізді.

Осындай форумдарға қатысу инновациялық шешімдерді ілгерілетуде және жаңартылатын энергетиканың жаһандық күн тәртібіндегі орнын нығайтуда маңызды рөл атқарады.